السلام عليكم

ازيك يا باشا
انا بس كنت عاوزك تخلى قسم الدفاع عن النفس متقسم
يعنى تايكوندو وكنغ فو كارتيه وملاكمة بدل ما الجيلى سايح كده فى التلااجة

وعاوزك تعمل مسابقة اللى يعمل مثلا كم معين من المواضيع حيأخد مثلا 20 جنية رصيد يتحول له
اصل انا ممعيش رصيد ولو حتخلينى مراقب يبقى حلو اوى مش حاخد كتير اللى تتدهونى حوافق عليه

ههههههههههههههههههههههههههههههههههههههههههههه
ده إنت مصيبة يخرم جيبك أوبهه أوبهه يعني مش هزار .

بص لأنك صاحبي و حبيبي و فوق كل ده زميل عمري في الكلية هكلمك بصراحة و بدون لف و لا دوران ده أولا .

و كمان هكلمك على الملأ في المنتدى كله بمنتهى الشفافية و الصدق حرصا على سمعة منتدانا الغالي و الرقي به بين المنتديات .

اقتباس :

 انا بس كنت عاوزك تخلى قسم الدفاع عن النفس متقسم
يعنى تايكوندو وكنغ فو كارتيه وملاكمة بدل ما الجيلى سايح كده فى التلااجة

دي سهلة عادى نعملها و كأنك بتشيل القرعة من الضفيرة أو العجينة من الشعره هههههههههههههههههه بس إنت تأمر .

اقتباس :

وعاوزك تعمل مسابقة اللى يعمل مثلا كم معين من المواضيع حيأخد مثلا 20 جنية رصيد يتحول له
اصل انا ممعيش رصيد ولو حتخلينى مراقب يبقى حلو اوى مش حاخد كتير اللى تتدهونى حوافق عليه

دي بقى موت عليها من الضحك أمال إن مكنتش عضو معانا في المنتدى و عارف البالوعة و غطاها ههههههههههههههه

ياباشا لما يقلك مثلا إعمل عدد مواضيع مقابل كذا دولار و ده الغالب أو بين الأصدقاء بالجنيه تحويل رصيد ماشي مقلناش حاجة بس المشكلة إن منتدانا جديد مفيش زوار يساعدوا أو أعضاء يضغطوا على الإعلانات أنا رصيدي في أدسنس لم يتعدى الـ5$ .

طيب هجيب منين .
يبقى لسه بدري طبعا على حكاية المسابقات دي لأن مفيش حاجة تغطي مصاريفها .

أما حكاية كام موضوع قصاد 20 جنيه فهيكون عدد المواضيع ضعف المنتديات اللى بره لأن المنتدى جديد لسه لكن لما نوقفه على رجله أكيد ووعد من إدارة المنتدى هتكون زي و ممكن أقل من المنتديات اللى بره .
قول بره قصاد كام و الضعف و لو موافق أنا معنديش مانع يابرنس .

اقتباس :

لو حتخلينى مراقب يبقى حلو اوى مش حاخد كتير اللى تتدهونى حوافق عليه

بص أنا ممكن أعمل معاك إتفاق العمر بخصوص الحكاية دي على الملأ في المنتدى و بيني و بينك كزميل و الله شهيد على ما أقول نبدأ مع بعض من الصفر و نشارك بعض بقليله و كثيره في أرباح أدسنس بنسبة 20% أنا الدعم و التطوير و الإشهار و المواضيع و إنت المواضيع و المتابعة الكاملة للمنتدى و تبقى نائب المدير .

شوف عرض كارت الشحن أبو عشرين و الضعف .
و شوف عرض مشاركة الأرباح 20% و من حين لآخر هفتح لك الحساب بتاع أدسنس و تشوفه و على فكرة إعمل حسابك علشان نبقى على ماية بيضه جوجل أدسنس مش بتبعت الشيك إلا بعد 100$ يعني هنتعب على مانوصل للمبلغ ده ممكن أقل حاجة 6 شهور و إجنا و شطارتنا و لو كسلنا ممكن سنة .

شوف يابرنس و أنا معنديش مانع و أنا إحترمت فيك صراحتك و أسلوبك المحترم و في نفس الوقت خفة دمك هههههه .

يالتوفيق إن شاء الله .

اقتباس :

موافق بس زقهم شوية خليهم 25 فى المية

ما إحنا قلنا ياأوبهه مع بعض بقليله و كثيره في الأول هنتعب و يطلع عينا و كل ستة شهور شيك ممكن في السنة شيكين و بعد كده نرتاح يبقى في السنة أربعة و عشرة و مائة لما نبقى محامين عواجيز ههههههههه مسألة وقت مش أكثر و صدقني نسبة 20 % دي لأخوية و زميلي فقط أنا لو حد تاني عمري ما أخليه يشاركني في أرباحي أبدا يبقى بمسابقات زي ماإنت قولت لكن ميشاركنيش في أرباحي لكن إنت حالة خاصة و مش هتتكرر .

عموما 25% في البداية ولما الشغل يشد و المنتدى يقف على رجله نرجع تاني للأصل 20% لأن هتلاقي عدد الشيكات كثر فهمتني يابرنس ؟

اقتباس :

وانا معاك من غير فلوس خالص احنا اخوات الا 25 فى المية

حلوة حكاية إخوات إلا 25% دي أنا بقى إنت أخويا في غير الشغل و حبيبي وروح قلبي لكن في الشغل إخوات إلا 99.9% .

ههههههههههههههههههههه

حبيب ايمن والله بجد بجد من غير اى حاجة خالص

على العموم نبدا الشغل من امتى
اكتبلى رقم البيت على اميلى عشان اكلمك فى البيت ده لو انت موافق
عشان اخد بيانات المنتدى

اقتباس :

حبيب ايمن والله بجد بجد من غير اى حاجة خالص

هههههههههههههههه
و إنت كمان و الله العظيم بعزك جدا و بعدين إيه حكاية من غير حاجة خالص دي ما أنا قولتلك إخوات و حبايب في غير الشغل لكن في الشغل إخوات إلا 99.9% ههههه مش ده كلامك مع تحريف بسيط في النسبة

اقتباس :

على العموم نبدا الشغل من امتى

بص يامان إعتبر نفسك بدأت خلاص أنا زي ماقولتلك رصيدي في أدسنس مش كبير قوي يعني لم يتعدى الـ5 دولار .
و إنت مطلوب منك الآتي فقط مش أكثر و لا أقل :

1- تضغط على الإعلان اللى فوق شريط آخر المواضيع لأنه تبعنا ملكش دعوة باللى تحته لأنه تبع أحلى منتدى و على اللي في الواجهة و في أي موضوع من المواضيع و تبحث بحث عشوائي في مربع البحث داخل الموضوع. (يعني ثلاث ضغطات في ثلاث أماكن لأشكال مختلفة من الإعلانات يوميا و مش أكثر من ثلاثة علشان جوجل مايشكش و يعتبره سبام) يعني كده 0.03 سنت كل يوم مش عاوز بلاش أنا هجيب ناس للحكاية دي و يضغطوا أكثر بكثير و مع كثرة الأعضاء هيضغطوا لوحدهم إيديهم هتاكلهم على الإعلانات و خاصة جوه مواضيع البرامج الإعلانات جذابة و فيها أعلى نسبة ربح .

2- حاول تخلي معدل مشاركاتك زيي بالظبط شهريا لو زودت تأكد إنه في مصلحتك و مصلحتنا كلنا قولي ليه ؟

لأن بكده سيادتك بتزود عدد مواضيع طيب و إيه يعني ؟

و إيه يعني إزاي ؟مش كده بتزيد نتائج بحثنا في جوجل ؟ طيب و إيه يعني إنت هتجنني ياعم إنت ؟

أجننك ليه بس ماهو كده فرص دخول الزوار هتزيد و الزائر يبقى قدامه مواضيع كثير يخلص مصلحته يدور في المنتدى يلاقي كل طلباته فيه يبات بقى فيه و ميرحش منتدى تاني عامل بالظبط زي البقال لما الزبون يخش عنده لما يلاقي كل طلباته عنده خلاص يجيب منه على طول و دائما لما تبقى نائب المدير أوعى تزعل عضو أو تركبه غلط هو دائما على حق لو غلطان أما لو قليل الأدب بجد يبقى تبلغ الإدارة و هي تتصرف .

طيب و بعدين إيه الفايدة في كده ؟

هو كل ده مفهمتش مش كل موضوع بيتحط فيه إعلانات جوجل يبقى فرص الضغط عليها هتزيد يافالح لأن جوجل بتحط إعلانات قريبة لموضوعك بمعني عضو بيدور على برنامج الويناب طيب دخل الموضوع لقى جوجل حاطط إعلان رايل بلاير و الصدفة هو محتاجه فعلا يقوم ضاغط عليه علشان يحمله و يبقى لينا نسبة من الضغط فهمت بقى يافالح ؟

3- تضيف صورة في الموضوع الحصري و المهم طيب ليه ؟

علشان سيادتك مطلوب منك تحطها في مجلة منتدانا و تبقى واجهه ليه :

المجلة

ده بالنسبة لمواضيعك و لو تقدر تحط لباقي المواضيع يبقى 100% و أنا كمان هساعدك في الحكاية دي .

بس ياسيدي مش مطلوب منك أكثر من كده بدون لف و لا دوران و بمنتهى الصدق و الشفافية و على الملأ كمان .

اقتباس :

اكتبلى رقم البيت على اميلى عشان اكلمك فى البيت ده لو انت موافق
عشان اخد بيانات المنتدى

إنت أوف لاين دلوقتي عموما هتلاقيه في رساله خاصه في المنتدى و لما تبقى نائب مدير هيكون في قسم خاص ليك و سري لأي إستفسار بيني و بينك و أي نائب مدير جديد .

و زي ماشرحتلك فوق إنت مش محتاج بيانات للمنتدى و لا مطلوب منك إشهار أو غيره لكن لو تطوعت عادي مش مطلوب منك غير الثلاث حاجات اللى فوق و ممكن إثنين بس و موفقتش على الأولى الأولى دي إختياري مش إجباري هههه .

بالتوفيق ياغالي .

متقلقش متقلش انا مش عاوزك تقلق خالص الموضوع سهل كله فى ادينا متقلقش العملية حتنجح حتنج بس انوى انت الاول وسيبها على الله
ونقروا الفتحة لابو العباس دى اسكندرية دى اجد=ع ناس دى اجدع ناس

هههههههههههههههههههه
ده إنت مصيبه يخرم جيبك .

و أنا نويت من زمان خلاص نتوكل على الله و نقرأ الفاتحة ياسيدي :



و أنا طلبت بنر رتبه لنائب المدير و هيخص بالليل إن شاء الله أما الصلاحيات دي أمرها سهل جدا مع تركيب البنر إن شاء الله من لوحة الإدرة دي مجرد شكليات و تخلص النهاردة أو بكرة بالكثير توكل على الله إنت بس .

بالتوفيق إن شاء الله .

مبروووك التعين مديرنا الغالي .
بالتوفيق إن شاء الله .

الله يبارك فيك يا ايمن بيه
بقلك ايه انا حذف موضوعين من غير ما ااقصد فى قسم اسرار الحاسب الالى وتعبت فيهم عبال ما عملتهم ياريت تراجع وتشفهوملى

ههههههههههههههه
الله ينور عليك ياأوبهه تعيش و تحذف .

و جاري الإسترجاع .

 

شروط الإتفاق مع مديرنا aiman_200020

اقتباس :

إنت كمان و الله العظيم بعزك جدا و بعدين إيه حكاية من غير حاجة خالص دي ما أنا قولتلك إخوات و حبايب في غير الشغل لكن في الشغل إخوات إلا 99.9% ههههه مش ده كلامك مع تحريف بسيط في النسبة

الشرط الأول :

اقتباس :

مش عاوز بلاش أنا هجيب ناس للحكاية دي و يضغطوا أكثر بكثير و مع كثرة الأعضاء هيضغطوا لوحدهم إيديهم هتاكلهم على الإعلانات و خاصة جوه مواضيع البرامج الإعلانات جذابة و فيها أعلى نسبة ربح .

عفاك منه .

الشرط الثاني :

اقتباس :

حاول تخلي معدل مشاركاتك زيي بالظبط شهريا

و للأسف ده شرط جوهري لأنه إقتسام أرباح و ياريت المشاركات وصلت 50 % حتى لمشاركاته كنا نعيد النظر في الموضوع .

الشرط الثالث :

اقتباس :

3- تضيف صورة في الموضوع الحصري و المهم طيب ليه ؟

يعني تم تنفيذه في معظم المواضيع و معظمها لأ بس تمام ده 100%.

نيجي لقرار الإدارة :
1- الضغطات وصلت لـ5 دولار ليك نسبة 20% منها بس إمتى عند وصول شيك جوجل يعني لما يوصل 100 دولار .
2- تم الإخلال بالشرط الثاني و ألغي الإتفاق برمته لأنه شراكه مش مرتب على عمل .

و يرجى الإطلاع على هذا الموضوع لأنه الأنسب لك إن شاء الله :

شركة aiman_200020 الربحية

مع فائق التقدير و الشكر و الإحترام لك مديرنا الغالي .

الإدارة