السلام عليكم ورحمة الله وبركاته
حضرتك دلوقتي في مشكلة عويصة، والدي من حوالي 10 سنين كان باع لشخص عمارة، كتبوا العقود وكل حاجة بس والدي ما راحش الحي عشان يسجل البيع، والبيع لم يسجل في الشهر العقاري
المهم، من فترة قريبة، الشخص ده هد العمارة وطلع بيها تاني، فلما جم بتوع الازالة ومخالفات المباني حرروا الواقعة بإسم والدي ووالدي ما كانش يعرف، ودلوقتي القضية اتحكم فيها على والدي من غير ما يعرف ب 5 سنين رغم ان العقار ده لا يمت لينا بأدنى صلة ومتباع للشخص ده من 10 سنين وهو من قام بالتعدي ده، دلوقتي الراجل ده كلف محامي بأنه يطعن في الحكم بتاع ال 5 سنين اللي صدر على والدي ده وأساسا والدي ما لوش علاقة بالموضوع هو غلطته بس انه ما سجلش للمشتري ده بعد ما باع له البيت
دلوقتي حضرتك ايه الأبعاد القانونية للموضوع ووالدي يقدر يعمل ايه؟؟؟؟؟ هو أصلا العقار مش بتاعنا وبتاع الراجل ازاي والدي يقدر يحول الحكم ده على صاحب العقار الحالي؟؟؟؟ والدي ماه كل العقود بتاعت البيع والشراء، وأكيد الراجل ده يعني مش هيقول انه ما اشتراش لان كده هيبقى العقار بتاعنا تاني ويبقى هو خسر فلوسه!! طب نعمل إيه دلوقتي والدي كلف محامي من طرفه بأنه يتابع القضية والطعن ولكن أساسا المفروض والدي ما لوش علاقة ازاي نثبت كده؟؟؟ ازاي نثبت ان والدي باع بس ما سجلش في الحي ولا الشهر العقاري معانا كل العقود والعقار المفروض انه باسم الشخص ده وأكيد الشخص ده هيقول انه اشترى لأنه مش هيخسر فلوسه يعني
وشكرا جزيلا ليك

و عليكم السلام ورحمة الله وبركاته ,

إختصارا طلبك لتحويل الحكم على صاحب العقار الحقيقي غير متصور قانونا الحكم شخصي و لا يمتد لأشخاص آخرين و لا يورث .

و كذلك الأصل في العقار أن لا تنتقل ملكيته إلا بالتسجيل ، و في واقعنا و خلافا على الأصل يقع عليكم عبء إثبات عكس ذلك بكافة طرق الإثبات ، و طالما ذكرت أنه لديكم ما يثبت صحة قولك من عقود فتقدم بطعن على الحكم أو قم برفع دعوى بطلان فورا و سيصبح بعدها الحكم كأن لم يكن .

و الله الموفق .