كشفت أنظمة المنتدى أنك غير مسجل لدينا فأهلا وسهلا بك معنا و تفضل بتصفح المنتدى و إن شاء الله ينال إعجابك و لا تحرمنا حينها من تسجيلك معنا و مشاركاتك و إفادتنا بخبرتك .
كشفت أنظمة المنتدى أنك غير مسجل لدينا فأهلا وسهلا بك معنا و تفضل بتصفح المنتدى و إن شاء الله ينال إعجابك و لا تحرمنا حينها من تسجيلك معنا و مشاركاتك و إفادتنا بخبرتك .
السلام عليكم ،،، أتمنى تقرون هالسطور بعيونكم ولسانكم وقلبكم وبمنتهى الجديه لأني أبي أفاتح لكم بموضوع وأبي أثرثر عليكم شوي >> " الله يعينكم علي"
(( .. وياليت ترسلو هالكلام بالمسج سواء رساله وسائط مابتأخذ منك إلا الشي البسيط والله يعوضكم عنه بالجنه يعني شوفي عدد الحسنات اللي بتكون برصيدك لو أرسلتموها والأجر تأخذونه وأنتو مكبرين المخده ونايمين أو عن طريق البلوتوث الله يسلمه ،،،))
وتذكرو الله شافني وأنا اكتبها لكم وشافكم وأنتي تقرونها وهذي آمانه برقبتكم إلى يوم الدين ويمكن تكون هذي الرساله كفيله بأن تمحي كل معاصيكم وتفتحين صفحه جديده مع ربك قال الرسول صلى الله عليه وسلم : < لايؤمن أحدكم حتى يحب لآخيه مايحب لنفسه >
أكيد مستغربين و موعارفين وش السالفه ووش قاعده أقول بصراحه أستغرب ليه اي شي الدعويه أو الدينيه قليله وماتلقينها بكثره بجوالك او جهازك يمكن وحده أو ثنتين وناسيه عنها ولو الذاكره عندك ممتلئه بتحذفينها لأنك تشوفين وجودها ماله داعي أنا من رأيي أنها نفس الكلام ينعاد صح فيها أجر بس طريقه الطرح ممله يعني ماتحمسك تكملينها وتحسين وقتها أنك مو محتاجتها حبيت أشيل هالفكره من بالكم وأكتبها بطريقتي وبأسلوبي وأنتو بعد تقدرون تسون رساله خاصه فيكم بالطريقه اللي تحبينها أناحبيت أذكرك فيها بأشياء أنتي غافله عنها وأنا نفسي كنت غافله مثلكم بس أحمد ربي أنه عطاني فرصه أعدل علاقتي فيه أنا وأنتو ماندري بكره بنعيش وإلا بنموت وطبعآ ذنوبك أكثر من حسناتك وبصراحه أحنا مقصرين بحق الله من كل النواحي ومقصرين بحق أفضل الخلق محمد صلى الله عليه وسلم وظالمين نفسنا كثير وبالموت نصلي الصلوت الخمس وليتها بوقتها أوحتى بخشوع تصلينها وكأن فيه أحد لاحقك تقولين :الله غفور رحيم وناسيه أنه شديد العقاب صلاتك ماتأخذ من وقتك إلا عشر دقايق من يومك كله وللمعلوميه باليوم 1440دقيقه
طيب باقي لك 1430 دقيقه كلها لك أنتي وقتك بيدك وتقدرين تخلين وقتك كله لربك ،،، ماقلت أحبسي نفسك بالغرفه وأعبدي ربك لا أنا أتكلم بهالرساله عن الأشياء اللي آجرها كثير وماتاخذ من وقتنا إلا القليل ،،،
رابعآ : أقري سوره الكهف عصر الجمعه حاولي تنفعين نفسك دنيا ودين أقري لك كتاب في تطوير مهارات الذات صدقيني بتحسين بوناسه غير طبيعيه لوسويتي هالأشياء لأنك أستغليتي وقتك في أشياء تحسب لك ... وراح يكون في ميزان أعمالك بأذن الله ...
راح أتكلم عن الصلاه حطي في بالك أول ماتقولين : الله أكبر إلى السلام عليكم ورحمه الله وبركاته أنتي بين يدين الله وطبعآ الشيطان شاطر ويوسوس لك بشغلات قديمه ماتذكرتيها إلا بالصلاه وهنا حابه أعلمك دعاء يكرهه الشيطان عن الإمام بن واسع : أنه كان يدعو الله كل يوم بدعاء خاص ... فجاءه الشيطان وقال له :ي
(((( اإمام أعاهدك أني لن أوسوس لك أبدآ ، ولن آتيك ، ولن آمرك بمعصيه ، ولكن بشرط تدرين وش شرط الشيطان على الإمام أنا أقولك شرط على الإمام قائل : أن لاتدعو الله بهذا الدعاء ولاتعلمه أحدآ )))))))
قال له الإمام :
لا بل سأخبر به وأعلمه لكل من قابلته وأفعل ماشئت ،،، أكيد حابه تعرفين وش هالدعاء عشان تدعينه كل يوم كان الإمام يدعو فيقول :
(( < اللهم أنك سلطت علينا عدوا عليمآ بعيوبنا ، يرانا هو وقبيله من حيث لانراهم ، اللهم آيسه منا كما آيسته من رحمتك ، وأقنطه منا كما أقنطته من عفوك ، وباعد بينه وبين رحمتك وجنتك > اللهم آمين يارب العالمين ))
والشيطان موبس يجيك وقت الصلاه بكل وقت ناشبلك عشان كذا خلي هالجمله ع لسانك لأنها تبعد الشيطان عنك وخاصه لمن تعصبين أكيد بتجيبين العيد قولي < أعوذ بالله من الشيطان الرجيم >
والشيطان قال : أهلكت بني آدم بالذنوب وأهلكوني بالأستغفار وبلا آله إلا الله وهذا يدل أن الأستغفار فضله عظيم والله قال :أستغفروني أغفر
لكم تخيلي بيدك تمحين كل سيئاتك وذنوبك وتزيدين حسناتك بسهوله الأستغفار ولله لوتعرفين وش قد فضله عند الله كان مافارق لسانك ،،،
الأستغفار شي عظيم وله نتائج عجيبه عن تجربه وأنتي بنفسك جربي هالشي
أستغفري باليوم 1000 مره لاتقولين كثير ،،،
جربي وراح تشوفين وش قد أنتي مرتاحه بعدها راحه نفسيه وين هاليومين تلقين راحه لنفسيتك واليوم الثاني من الأستغفار بتتفاجئين بأخبار حلوه لك وماكنتي متوقعتها أبدآ والكل محتاج هاليومين آخبار حلوه ،،،
والطريقه :
أستغفري بأصابعك بس أنا أشوف فيها لخبطه أو بالورقه والقلم بس أحيانآ مالك خلق تمسكين القلم وتعدين تبين شي مريح !!!
( بالمسبحه ) لاتضحكين أتكلم جد ،،،
سوي لك مسبحه خاصه فيك مو اللي تنباع لأنها تجيب الأكتئاب والملل ،،، سويها بنفسك أهم شي تكون بناتيه وألوانها CooL لاتقولين كيف أو صعبه
الله يسلمك في كل مكان فيه شي أسمه محل لوازم الخياطه وأذا كنتي بالرياض فالله يسلم محل بالروضه له 100 سنه من فتح كبير مره أسمه خالد " دعايه للمحل "
أطلبي شريطه ساتان نحيفه باللون المفضل عندك وأطلبي خرز مقاسه وسط يكون ملون بألوان هاديه و فاتحه و رايقه طبعآ 1000 خرزه مابتكلفك هالشغلات إلا 20 ريال بالكثير وعند الله تأخذين 20،000 حسنه شوفي الفرق بينهم
وصدقيني راح تحبين الأستغفار فيها لأنك بنفسك عملتيها ،،،
وأذا عندك خوات صغار أهديهم مسبحه بعمل يدك و يكون عددها على قد عمرها عشان يتعودون على الأستغفار ولك أجرهم ،،،
أكثر أوقاتنا تروح في الأنتظار هذي تنتظر طلب مطعم أو تنتظر مسلسل أ و فيلم أو تنتظر أخوها أو سواقها يجي يطلعها سوق أو مناسبه أو موعد أو حتى ع النت أحيانآ يخليك تنتظرين وقت طويل في تحميل برامج أو حتى قبل النوم يبي لك ساعه تحاولين تنامين أستغلي وقتك بالأستغفار ،،، رددي معي :
< أستغفر الله عدد ماكان وعدد مايكون وعدد الحركات والسكون >
سؤال1 :
كم عدد المسلمين والمسلمات اللي عايشين واللي ماتوا بعد أكيد بتقولين كثير مليار بعدين أنا مو فالتعداد السكاني عشان أجاوبك ،،،
سؤال2 :
كيف تأخذين عن كل مسلم ومسلمه حسنه.؟؟؟ بتقولين مستحيل أنا أقولك تقدرين رددي معي
< اللهم أغفر للمؤمنين والمؤمنات ، والمسلمين والمسلمات ، الأحياء منهم والأموات ، إلى يوم الدين > اللهم آمين
أخذتي أكثر من مليار حسنه هذا كيف لو كررتيها ..؟؟
((... أستغفر الله العظيم وأتوب اليه > عدد أمه محمد صلى الله عليه وسلم والأمم السابقه من قبل عدد ماوجد في الأرضين السبع من الأحجار والأشجار من الصخور والآثار من الطيور والأسرار أستغفر الله العظيم عدد ماوجد في السموات السبع من الملائكه والحور من الجنان والنعيم من العذاب والحميم أستغفر الله العظيم عدد ماسطرت الأقلام وعدد ماسيسطر إلى يوم الدين عدد الأموات والأحياء عدد المسلمين والمسلمات عدد الالسن التي لهجت بذكر الله عز وجل عدد من غفل واعرض عن ذكر الله عدد مخلوقاته عز وجل من الجن والأنس ..)))
تدرين أخذتي أكثر من مليارات الحسنات بمجرد ترديدك لهذي الكلمات وراح يزداد حسناتك أكثر أذا رددها كل من أرسلتي له وأنتي بمكانك ،،،
أذا بغيتي الله يغفر ذنوبك يوميآ ومايمر يوم وفيه ذنب قولي :
< لا إله إلا الله ، محمد رسول الله > لوحسبتي كم عدد حروفها راح تلاقينها 24 حرف وباليوم 24 ساعه و كل حرف يغفر ذنوب ساعه ،،،
< أستغفر الله العظيم وأتوب إليه > عدد ما وجد من البشريه على وجه الأرض ،،، < أستغفر الله العظيم وأتوب إليه > عدد آمه محمد صلى الله عليه وسلم والأمم السابقه من قبل عدد ماوجد في الأرضين السبع من الأحجار والأشجار من الصخور والآثار من الطيور والأسرار ،،،
شايله هم وتبين الله يكفيك منه ..؟؟ قولي فالصباح وبالليل :
< حسبي الله ، لاإله إلاهو ، عليه توكلت ، وهو رب العرش العظيم >
وقولي :
< لا أله إلا الله ، وحده لاشريك له ، له الملك وله الحمد ، يحي ويميت ، بيده الخير ، وهو على كل شي قدير ..))
وأذا حسيتي بضيقه بدون سبب أمسكي القران وأقري فيه وأدعي الله بالسجود أن الله يبعد عنك الضيق وقولي دعاء يونس عليه السلام : < لا إله إلا أنت سبحانك ، أني كنت من الظالمين >
وأكيد سمعتي بظلمه القبر بيتك اللي بتنقلين له بأي لحظه مجرد حفره وأنتي فيها لحالك وليتها مفتوحه لا مقفله يعني ظلام وعذاب وضيق وش موقفك من الحين من بيتك..؟؟
داخلته داخلته و ملك لك مو إيجار وحدك و بأسمك بعد تروحين له بدون أثاث ولا عفش تروحين له أنتي وعملك بس اليوم الواحد تحت الأرض كأنه قرن فوق الأرض
كثري من قراءه سوره الكهف يوم الجمعه لأنها سبب في نور ظلمه قبرك
وعن فضل سوره الملك قال عليه السلام : (( لوددت أنها في قلب كل أنسان من أمتي )) وقال عليه السلام : (( هي المانعه من عذاب القبر ))
سؤال : حابه تموتين شهيده في سبيل الله طبعآ لاتحاسبين وتدخلين الجنه وتبعثين وأنتي شهيده ..؟؟
أكيد تتمنين هالشي ،،،
أنا أقول تقدرين بأذن الله ماأقول خذي رشاش وسافري العراق والإ فخخي نفسك بقنابل وفجريها بشوارع فلسطين لا بس أقري الثلاث آيات الأخيره من سوره الحشر في الصباح أوحتى قبل تنامين
أولآ : أجرها 70،000 سبعين ألف ملك يصلون عليك حتى تقومين من النوم أوحتى تنامين وموبس كذا لا بعد ،،،
شهيده في سبيل الله ياناس وأنتي يالله تعلمتي كيف تمسكين السكين وشهيده بمجرد قريتيها يالله قوليها معي :
((( هو الله الذي لا إله إلا هو عالم الغيب والشهاده هو الرحمن الرحيم ¤ هو الله الذي لا إله إلا هو الملك القدوس السلام المؤمن المهيمن العزيز الجبار المتكبر سبحان الله عما يشركون ¤ هو الله الخالق البارئ المصور له الأسماء الحسنى يسبح له مافي السماوات والأرض وهو العزيز الحكيم )))
أذا بغيتي يكتب لك بكل يوم 1000 حسنه ويحط عنك 1000 سيئه بس قولي 100 مره :< سبحان الله >
وأذا بغيتي تغفر ذنوبك ولو كانت مثل زبد البحر
" كثير مايعرفون وش زبد البحر ؟! أنا أقولكم زبد البحر هي الرغوه البيضاء اللي تكون بآخر الموج وفي بعض الدول يكون فيها زبد البحر ممكن يغرق مدينه بكاملها " لذالك قول 100 مره : < سبحان الله وبحمده >
والكل عارف كفاره المجلس : ... سبحانك اللهم وبحمدك ، أشهد أن لا أله إلا أنت ، أستغفرك وأتوب إليك ...
والكل يبي يغرس له نخله في الجنه وأن تسقى بالذهب بس تقولين : < سبحان الله وبحمده > <سبحان الله العظيم >
أذا بغيتي تكسبين أضعاف التسبيح قولي 10 مرات :
< سبحان الله وبحمده ، عدد خلقه ، ورضا نفسه ، وزنه عرشه ، ومداد كلماته
وعشان تكونين من الذاكرات الله كثيرآ وتكونين أفضل من ذكره بالليل والنهار ويكون لك غرس في الجنه وتتساقط ذنوبك كما يتساقط ورق الشجر اليابس وينظر إليك الله ومن نظر إليه لم يعذبه ،،،
اللهم أجعلني ومن أحببت ممن تنظر اليهم يوم القيامه < سبحان الله ، والحمد الله ، ولا إله إلا الله ، والله أكبر ، ولاحول ولا قوه إلا بالله العلي العظيم ، عدد ماعلم الله تعالى ، وزنه ماعلم الله تعالى ، وملئ ماعلم الله تعالى >
الحمد لله الذي تواضع كل شي لعظمته ،،، الحمد لله الذي أستسلم كل شي لقدرته ،،، الحمد لله الذي ذل كل شي لعزته ،،، الحمد لله الذي خضع كل شي لملكه ،،،
أكيد كلنا نبي الله يكون راضي علينا يوم القيامه عشان كذا قولوا ثلاث مرات بالصباح والليل : .... رضيت بالله ربآ ، وبالأسلام دينآ ، وبمحمد صلى الله عليه وسلم رسولا ونبيآ > ...
تبين يصلي عليك الله جل جلاله 400 مره و تنزاح عنك 400 خطيئه ويوصل سلامك للرسول صلى الله عليه وسلم قولي 40 مره :
< اللهم صلي وسلم وبارك على سيدنا ونبينا محمد >
كلنا يعرف فضل قراءه القرآن وأنه بيكون شفيع لنا يوم القيامه وكثير هاجرينه أو بمعنى آخر يمكن لهم سنه ماقروا فيه لو صفحه ولو سألتهم كم سوره حافظ يمكن تطلع 6 بالكثير وماتتعدى صفحتين بالقرآن وبصلاتهم يعيدون نفس السور القصيره حطي وقت معين تحفظين فيه سور أو حتى تراجعين السور اللي نسيتيها وحفظتي بدالها أغاني جديده
وعشان تأخذين آجر قراءه القرآن
5 مرات أقري سوره الأخلاص وأكيد حافظتها مثل أسمك 15 مره ووقتها أخذتي الآجر وأنتي ماقريتيه كله أبدآ
وأذا قريتي سوره الفاتحه 5 مرات زاد في ميزان أعمالك 7000 حسنه أقريها مابتأخذ من وقتك إلا دقيقتين بس
تبين يكون لك كنز من كنوز الجنه وكنوزها مو مثل كنوز الأرض قولي : (((.. لاحول ولاقوه إلا بالله ..)))
فيه كثير مايعرفون فضل الدعاء ..؟؟
وحاطين في بالهم مو ضروري ولايعرفون طرق الدعاء أو حتى مايعرفون الألحاح بالدعاء والتضرع بين يدي الله لاتفوتين ولا لحظه من اللحظات اللي تستجاب الدعوات فيها
بين الأذان والأقامه
ولما تكونين ساجده
ولما تكونين مسافره
وأذا كنتي صايمه
وأذا فيه أحد ظالمك
تكون الدعوه مجابه لاااتدعين عليه بس أدعي أن الله يأخذ حقك منه وأن الله يهديه لاتقولين ماأعرف وش أقول أو حاسه أنها مابتستجاب دعوتي أدعي وكوني على يقين أن الله بمشيئته بيلبي دعوتك ألحي بالدعاء وكرريه وأبكي لأنك بحاجه أنه يستجاب أنا عن تجربه شخصيه كنت ماأعرف وش لون أدعي وكنت أتوقع أنه لازم يكون كلامي مرتب مثل ماهو موجود بكتيبات الأذكار في يوم من الأيام ضاقت دنيتي وقفلت نفسيتي وكنت حابه أروح زياره كانت مهمه بالنسبه لي وكنت محتاجه لتغير جو طلبت أهلي أرفضوا وبشده أنا أنتهيت ساعتها واللي يشوفني يقول بتموت لو ماراحت طلبتهم مره ثانيه ومايزالون رافضين رجعت لغرفتي خائبه حزينه وأنفجرت بكي ووقتها صحت من قلب يارب وقعدت أكررها بأقوى ماعندي وكنت وقتها متيقنه أنا الله يشوفني ويعرف وش قد محتاجه أن دعوتي تستجاب ودعيت وأنا أدعي سمعت آذان العشاء وتذكرت أن الدعاء مستجاب بعد الآذان ودعيت وألحيت وحسيت أني راح أموت من كثر مابكيت والله والله والله خمس دقايق دخل أخوي علي وقال : تقول أمي متى تبيني أوديك أنا أنجنيت ماكنت متوقعه تستجاب بهالسرعه والله على ماأقول شهيد ،،،
أي شي في بالك مابتلقينه عند أهلك أو صديقاتك لا عند الله أنتي بس أدعي من قلب وألحي وكرريه وأبكي لأنك أنتي اللي محتاجه لربي يوقف معك يوفقك ويرزقك ويسعدك ويحقق كل مطالبك
تفنني بالدعاء لأخوانك الدعوه في ظهر غيب مستجابه أدعي بكل شي بخاطرك والله يستجيب دعواتك اللهم آمين ،،،
هذا دعاء آدم :
اللهم أنك تعلم سري وعلانيتي فإقبل معذرتي ، وتعلم حاجتي فإعطني سؤالي ،اللهم إني أسآلك إيمانا يباشر قلبي ، ويقينا صادقآ حتى أعلم أنه لن يصيبني إلا ماكتبته علي ، والرضا بما قسمته لي ياذا الجلال والأكرام
فأوحى الله عز وجل إليه : فقد غفرت لك ولا يأتيني أحد من ذريتك ، فيدعوني بمثل الذي دعوتني إلا غفرت له
وفيه دعاء له الأجر العظيم : < اللهم لك الحمد كما ينبغي لجلال وجهك و عظيم سلطانك >
ماباقي شي على رمضان وينتهي أتمنى من الكل يستغله بختم القرآن وصلاه التراويح والقيام ولاتنسون الدعاء والأستغفار وترى الآجر مضاعف ومايحتاج أتكلم عن فضل هالشهر الكل عارف فضله وخصوصا آيام العشر الفضيله اللي فيها ليلة خير من ألف شهر " ليلة القدر "،،،،
وصلنا للأخير ،،، بمجرد قراءتك لهالرساله مره وحده وتطبيقها توقعي كم ذنب غفرلك بأذن الله..؟؟ وكم حسنه أخذتي وكيف لوتقرينها مره ومرتين وثلاث..؟؟ و لوقراها اللي أرسلتي له هالرساله وقراها غيره وتوقعي وش قد جمعتي حسنات ... أتمنى أني وفقت في تجميع بعض الأدعيه ومانسيت شي ماحبيت أكتب شغلات مكرره أو فيها تكلف حبيت تكون من الأشياء السهله اللي أن شاء الله تتعودين عليها واللي بتنفعك دنيا ودين
أتمنى مايروح تعبي سدى لأني ثلاث مرات كتبت هالرساله لأني كل مابديت أكتب يطفى الجهاز وتنحذف الرساله ولله الحمد تمت كتابتها بفضل الله وأكون أفدتكم وأفدت غيرك
حبيت أذكر نقطه فيه كتاب عن جد رهيب وهالكتاب مستحيل يفارق يدي وفكرته في تطوير مهارات الذات وأسمه " أستمتع بحياتك " والمؤلف "د/محمد عبد الرحمن العريفي" وأنا الود ودي أنه يتوزع على كل الناس بالمجان من كثر ماأشوف أنهم بحاجه لهالنوع من الكتب ،،،
،،،،، لاتنسوني من دعائكم ،،،،،
أدعولي بالهدايه والصلاح والثبات عند السؤال أدعولي بالتوفيق والنجاح فالدارين وأن الله ييسر أمور حياتي ويفرج همي وكربتي ويسعد قلبي ووو ------- والباقي ولاتنسون دعائك في ظهر غيب
["اللهم ياواسع الرحمه ياعظيم المغفره ياكثير الصفح ياحسن التجاوز اغفر لكاتبة الرساله وقارئها ومرسلها واجزهم ياربي خير الجزاء واجعلنا يا الله ممن يأخذ كتابه باليمين وممن يتنعم بالنعيم في جنة عرضها السماوات والأرض أعدت للمتقين وصلي اللهم على نبينا محمد وعلى آله وصحبه ومن تبعهم بإحسان الى يوم الدين وسلم تسليما كثيرا >> قولوا آمين نسأل الله عز وجل القبول . ساعدوني على نشرها
هام جداً: قوانين المساهمة في المواضيع. انقر هنا للمعاينة
احترم مواضيع الآخرين ليحترم الآخرون مواضيعك لا تحتكر الموضوع لنفسك بإرسال عدة مساهمات متتالية عند طرح موضوع يجب أن تتأكد أن عنوان الموضوع مناسب او لا. تحل بحسن الخلق و بأدب الحوار و النقاش لا تنس أن اختلاف الرأي لا يفسد للود قضية, فلا تتهجم على عضو بدعوى أنه لا يشاطرك الرأي ان قطعت عهدآ مع عضو فأوفي بوعدك لأنه دين عليك إن حصل خلاف بينك و بين عضو حول مسألة ما فلا تناقشا المشكله على العام بل على الخاص ان احترمت هذه الشروط البسيطة, ضمنت حقوقك و عرفت واجباتك. و هذه افضل طريقة تضمن بها لنفسك ثم لمساهماتك و مواضيعك البقاء و لمنتداك الإزدهار في موقعنا إدارة منتدى عالم القانون
آخر المواضيع
15/8/2022, 10:11
26/1/2011, 13:27
هام جداً: قوانين المساهمة في المواضيع. انقر هنا للمعاينة 
